TOSHKENT SHAHAR MIROBOD TUMANI 22-SONLI BOLALAR MUSIQA VA SAN’AT MAKTABI

100015 Mirobod tumani, Shahrisabz ko‘chasi, 30-uy

Теl.: +998 71 256-05-65, +998 71 252-26-78

Maktabda Navro‘z bayrami nishonlandi

Joriy yilning 28-mart kuni 22-sonli bolalar musiqa va san’at maktabida Navro‘z bayrami ko‘tarinki ruhda nishonlandi. Ushbu tadbir milliy qadriyatlarimizni ulug‘lash, o‘quvchilarda an’ana va urf-odatlarga hurmat tuyg‘usini shakllantirish maqsadida tashkil etildi.

Bayram munosabati bilan bezatilgan dasturxon yozilib, unda milliy taomlar va bahoriy ne’matlar namoyish etildi. Tadbir davomida o‘quvchilar va ustozlar tomonidan kuy-qo‘shiqlar ijro etildi, raqslar namoyish qilindi. Musiqiy chiqishlar bayramga yanada fayz bag‘ishladi.

Shuningdek, o‘quvchilar tomonidan milliy urf-odatlar, qadriyatlar va Navro‘zga xos an’analar sahna ko‘rinishlari orqali yoritildi. Bahoriy marosimlar, xalq o‘yinlari kabi lavhalar tomoshabinlarda katta taassurot qoldirdi.

Tadbir yakunida ishtirokchilar bayramona kayfiyatda bir-birlarini tabriklab, milliy qadriyatlarimizni asrab-avaylash va davom ettirish zarurligi ta’kidlandi. Navro‘z bayrami musiqa maktabida do‘stlik, hamjihatlik va quvonch muhitini yanada mustahkamladi.